期指魔術師郭樹鈿

炒期指一定要止蝕

其實綜合他的種種「偉論」，最重要是有止蝕盤做保障：「做買賣時，同時要落定止蝕盤，最多用一、兩千蚊去搏，就算贏錢，如果覺得形勢唔穩陣，賺得個燒鵝飯都要撤退。」
他每次只買一張期指，情願密食當三番。他等待入市，往往一等大半小時，但落盤後兩、三分鐘內不論賺蝕，一定會平倉：「等得耐風險極高。」這句說話，他花了二十萬元學回來，「九七年，我試過做完期指合約後，同朋友去食飯，食完一餐飯已經跌左好多。但我繼續等唔肯平倉，結果輸多二十萬。」

另外，他指當年憑炒紅籌及細價股，在股票市場獲利一千八百萬，卻因金融風暴，一夜之間損失近半。自此他便沒有再炒股票，專注炒期指，「炒股票要花好多時間研究買邊隻，但我炒期指，開市先睇，收市就咩都唔使理，輕鬆好多。而且我只係做上午市，下午就收工！」

他認為堅守止蝕盤策略，炒期指風險不大。但有行內人說，萬一遇上突然大跌市，他的玩法亦有機會走避不及。教書好過自己炒他的炒法好處是不會輸身家，但缺點是即使睇錯市，亦不能捕捉大浪，回報相當有限，「我這種方法炒期指，唔可以做得太大，怕走唔切。一日賺三千，一個月最多咪六萬。」其實他每朝早的炒期指真人騷，純屬吸引學生，「無人睇既時候，我唔會炒。」「依家教學生，每人一星期一堂都執千幾蚊，二百人你話幾多錢？」他表示和拍檔拆賬後可分大份，假設佔六成計算，教書一星期已賺十八萬元。

學費收入外，大部分學生學成後，均會幫襯他掛單的證券公司開戶炒期指，他連佣都賺埋，可謂一箭雙鵰。五十六歲的他，除玩期指外，還精於魔術和賭術，是國際華人魔術協會創會主席，「我細個見人玩街頭表演魔術好得意，就去黐膠花儲錢學魔術。」他說以前表演魔術每五分鐘收三千元。其弟亦受他影響醉心魔術，搞了一本魔術雜誌，郭樹鈿更在雜誌內寫稿支持弟弟。

油畫廠賺第一桶金以圖表搵食的郭樹鈿，起家原來是靠繪畫。話說他七○年中學畢業後，認為自己美術成績突出，跑去做油畫學徒。八○年，他把油畫工業化，到內地開畫廠，賺得人生中的第一桶金，但九○年結業回港，「因為我答應了老婆，只會在大陸十年。」之後他偶爾和弟弟合作搞生意，亦四圍去拜師學藝炒股票，直至金融風暴後，才專注炒期指。以郭樹鈿的收入，按道理可以住得起華屋豪宅，然而他僅住在西環三十年前買落的舊樓，身上亦只穿普通得很的恤衫西褲波鞋，就連午餐亦是帶飯盒，「都係青菜之類，但一定係老婆煮的。」開口埋口均是老婆，問他可否透露現時資產多少，「唔得，老婆鬧o架！」他的銀包內，亦放有與妻子的合照，「仔女唔使理佢，有個伴得啦，個伴好重要。」問他太太是否一樣熱愛炒作呢？「佢好唔鍾意，八五年結婚十周年，我送七萬股匯豐俾佢，佢話做咩送牆紙俾佢，我惟有賣晒股票，套現俾佢。」

點炒期指?期指是期貨的一種，可買入或沽出。期指可分為大期和小期兩種；大期每一點五十元，小期則每點十元，於每月底倒數第二個交易日收市後結算。若預期恒指未來向好，投資者可買期指合約，在月底平倉時，若恒指高於買入的指數，便可賺取買賣差價，反之則輸掉差價。像郭樹鈿般玩即日低買高沽，例如21,000點買入，21,050點沽出，便可賺五十點的差價，若是大期的話，即賺了二千五百元。

炒賣期指需付按金，大期的按金約六萬六千元。